Shpifja si mjet jetese - E-DJATHTA.com - Forumi Rinor Demokratik Shqiptarë -

Calendar Date

Dec

2008

Login Form

Previous View Photo Next

Lajmi Fundit

Taktika e Ramës me banorët e Tiranës është mashtrimi

Tuesday, 05 August 2008

+ Full Story

Speciale Ditës

Berisha, takim me drejtues të lartë të kompanisë japoneze

Sunday, 23 September 2007

Shpifja si mjet jetese

Shkruajtur nga Administrator
Sunday, 23 September 2007
Disa gazeta nuk janë të interesuar për të vërtetën, e ca me pak për publikun, jo pse ajo nuk nxjerr të ardhura të mjaftueshme, por sepse mendojnë se sot për sot shpifja shitet me shtrenjtë. - Që nga ardhja e kabinetit “Berisha”, nuk kam marrë asnjë qindarke të kontraktuar nga qeveria, në forme anëtarësie në borde, përfaqësim kompanish tregtare në procedura tenderash apo në para publike të prokuruara nga shteti “Gazeta Shqiptare” ka botuar kohët e fundit një sërë artikujsh, më saktësisht titujsh, shpifjesh e mashtrimesh të përditshëm, të cilët kanë në qendër Argita Malltezin. Për shkak të ngjashmërisë së gjysma-shkrimeve, po i referohem të fundit prej tyre, i cili merrej me faktin që zyra juridike e Argita Malltezit është regjistruar si biznes i vogël. Të ngresh pyetje mbi një çështje të tillë për të kërkuar sqarime është fare normale; të japësh konkluzione, bazuar mbi gënjeshtrën dhe shpifjen është amorale. Është fyerje e rëndë për inteligjencën e lexuesve, të paktën nëse beson se ke lexues. Nuk do të humbas durimin e askujt për të zbërthyer ligësinë e gënjeshtrave dhe llogarite e shtrembëruara qëllimisht në shkrim. Do të mjaftohem të ritheksoj se kam deklaruar 7,6 milionë lekë (të reja) xhiro (nuk kam përmendur kurrë se 4 milionë është fitimi apo sa është rroga që kam, sikundër shpif gazeta), të cilat janë produkt i aktivitetit tim privat si avokate, për të cilat janë paguar tatime, një më një. Çdo aspekt i aktivitetit tim është lehtësisht i kontrollueshëm, nëpërmjet organeve tatimore, Inspektoriatit të Deklarimit të Pasurive apo QKR-së. Transfertat bankare, përsëri të shtrembëruara nga gazeta, janë ato të deklaruara në organet përkatëse, dhe lidhen jo vetëm me aktivitetin tim si avokate, por edhe me të ardhura të mëparshme apo nga burime të tjera të deklaruara. Aktiviteti që zhvilloj është brenda të gjitha ligjeve dhe rregullave dhe kushdo është i lirë të investigojë dhe të botojë fakte. Zyrat avokatore krijohen nga të paktën 2 avokatë, të cilët mund të ushtrojnë aktivitet në mënyrë krejt të pavarur nga njëri-tjetri, por që bashkohen me qëllim ndarjen e shpenzimeve dhe aspekte të ngjashme. Zyrat fillimisht regjistrohen në Dhomën e Avokatëve. Ne momentin kur unë kam filluar aktivitetin, avokatët (me licensë personale avokatie) kishin detyrim të regjistroheshin, si fillim në gjykatë dhe organet tatimore, të paktën si person fizik, të licensoheshin nga Dhoma e Avokatëve si Zyrë Avokatore, dhe më pas, në rast rritjeje të aktivitetit përtej pragut të xhiros vjetore prej 8 milionë lekësh, të regjistroheshin si person juridik. Sikundër citohet në ekstraktin e Ligjit mbi Avokatinë, te botuar nga gazeta në fjalë, pika 3 e nenit 24, thotë se zyra e avokatisë, nëse e sheh te arsyeshme dhe brenda interesit të vet, pasi është miratuar si e tillë nga Dhoma e Avokatëve, mund t’i drejtohet gjykatës për t’u njohur si person juridik. Këtë kanë bërë të gjithë ata avokatë, aktiviteti i të cilëve ka prodhuar një xhiro më të madhe se 8 milionë lekë. Në rastin tim, xhiroja vjetore vazhdon të mbetet nën këtë prag, ndaj edhe unë, në përputhje të plotë me rregullat, vazhdoj të jem e regjistruar si person fizik. Nëse gazeta do të kish qenë e interesuar për të vërtetën, do ta kish pasur te thjeshtë të citonte të dhënat e sakta, të marra nga të njëjtat burime që ajo i ka përmendur, e më pas keqinterpretuar, sikundër do të kish mësuar që studio “Malltezi & Kola” ka pushuar aktivitetin prej gati dy vitesh. Por gazeta nuk është e interesuar për të vërtetën, e ca me pak për publikun, dhe jo sepse këto të fundit nuk të nxjerrin të ardhura të mjaftueshme, por sepse mendon se sot për sot shpifja shitet me shtrenjtë. Ateherë…rroftë shpifja! Për një kohë të gjatë, shkrime të cilat përmendnin emrin tim i kam parë me indiferencë, duke i trajtuar në të shumtën e rasteve si një kuriozitet normal i njerëzve. Më vjen keq nëse heshtja ime është kuptuar si paaftësi për t’u përgjigjur. Ka ardhur momenti t’u kujtoj fabrikuesve të shpifjes disa fakte: I gjithë aktiviteti im profesional deri tani pasqyrohet në dokumente organizmash shtetërore dhe ndërkombëtare (Fakulteti i Drejtësisë, UN, organe tatimore/Dhoma e Avokatisë). Çdo qindarkë është e dokumentuar, jo vetëm me kontrata dhe bordero, por edhe me dëshmitë e transfertave bankare të rrogave. Nuk kam zgjedhur asnjëherë rrugën e lehte por rrugën që më ka mundësuar të mbaj kokën lart dhe të përgjigjem ashtu siç duhet. Kam zgjedhur aktivitetin privat, jo se është me i lehti. Përkundrazi, si qindra gra të tjera, unë i rris fëmijët e mi me pune, qe fillon më 9 e mbaron më 19.00, dhe që nga ardhja e kësaj qeverie nuk kam marre asnjë qindarke te kontraktuar nga qeveria, në forme anëtarësie ne borde, përfaqësim kompanish tregtare në procedura tenderash apo në para publike të prokuruara nga shteti. Në këto rrethana, duke mos qenë pjesë e administratës, i kujtoj gazetës në fjalë se kam mundësinë e plotë, jo vetëm të argumentit dhe të përgjigjes publike, por edhe të ballafaqimit në gjykatë, në çdo moment që do ta vlerësoj të arsyeshme. I kujtoj gjithashtu se ka detyrimin ligjor të botoje përgënjeshtrimin në të njëjtën faqe dhe madhësi germe me të cilat janë botuar dhe shpifja. Komentet (1) Abonohu tek faqja jonë... Comments 10 511 Shkruajtur nga Ashley 051112, September 09, 2008 nice1ee legitimate work at home jobs in east texas - american airline concert tickets -http://12.deployment.az.pl/266.html \| http://13.catty.az.pl/637.html \| cheap domestic flights from melb to canberra - flights from exeter to florida - data entry - work at home jobs - free work from home ideas - best slots software - casino slots free play - Shkruani një Koment në këtë artikull Emri Webfaqja Titulli Komenti Powered by Azrul's Jom Comment
Anarzhuar për herë të fundit ( Tuesday, 12 February 2008 )

< Prev		Next >

[ Mbrapa ]

Editoriale

NATO i hap dyert Shqipërisë SHBA konfirmon mbështetjen

Sunday, 23 September 2007

Sekretari i Përgjithshëm i NATO-s, Jaap de Hoop Scheffer, ka inkurajuar dje aspiratat e Shqipërisë, Kroacisë dhe Maqedonisë për t'u bashkuar me...

Artikuj të tjer tjerë...

Financë...

Abuzimet Teknologjike në Ekonomi

Sunday, 23 September 2007

Nga titulli i shkruar ekonomistët do më qortonin se kam vëndu dic jashta normave reale në shoqërinë demokratike. Ato justifikohen me rritjen ekonomike që sjelli teknologjia dhe nuk do të...

Artikuj të tjerë...

Fuqizuar dhe ndërtuar nga SHQIPERIAWEB.COM